今朝又要check out返首爾lu~ 好彩今次起到身，趕得切搭係香港book左個班火車~ 一落去老闆娘係度電緊髮haha，甘我地擺底鎖匙就走lu~ 車程都係4個幾鐘，例牌訓覺，中途見到有一隊攝制隊上左車，個主角仲係我前兩個位坐低，一路拍住佢成個鐘，雖然唔知係咩節目但我好驚會入鏡，搞到我全程揾毛巾遮住個頭 =.=
返到首爾先去食lunch~
24小時豆腐鍋專門店
路線: 新村站2號出口→直行見U-plex轉左→過對面馬路→去街尾見7-11轉右便到
呢度有中文menu，我地叫左海鮮豆腐鍋+烤牛肉套餐，仲有水冷麵..個水冷麵比想像中好味好多，而個烤肉就乾左少少~~
食飽返chocolate tree check in..今次要住門口個層而且係twin bed因為無哂房..甘我地唯有將2張床拍埋啦~ hea一陣就出發去明洞!!
首先就係要去M-Plaza隔離既京都大廈4/F學整泡菜同著韓服~我地遲左少少..因為本身以為係M-Plaza個度上，點知去到M-Plaza d職員先話係京都大廈…
一上到去淨係見到個靚女老師，無其他人..原來呢個section淨係得我地，姐係我地包場，所以我地玩得好盡興，我地換完韓服靚女老師幫我地影左好多相，仲教我地擺post同拎住佢d道具係甘影~
之後就開始泡菜..老師係講國語既..佢先逐樣材料介紹，然後就逐個步驟教我地做~
將d材料切絲都要自己切架..好彩我煮開飯都有板有眼..但大B就手忙腳亂..老師都話睇我就知有煮開餸..但大b好明顯係飯來張口個個~
整到一半就可以試下醃料既味夠唔夠咸夠唔夠辣..老師仲會主動幫我地影相..時間過得好快，眨下眼就完成!! 之後老師會幫我地真空包裝，仲可以寫埋名~ 記住泡菜一定要寄艙唔可以hand carry上機架~
原本我上網睇資料係仲有15分鐘既手工藝制作..但老師話已經無左啦…..雖然甘樣玩1個鐘要W30,000好似有d貴..但我覺得係幾好玩既體驗，好過去行街周圍hea啦~
整完泡菜就去掃街~明洞大街兩邊都有好多小食檔，我淨係買左炸薯條..都要成W2,000…
跟住去食dinner啦…揀左全州會館
全州會館石頭窩飯
路線: 明洞6號出口出→直走見Natural Republic左轉→見Gap直走→喺SPAO旁邊既巷仔入去
(取自網上圖片)
叫左全州石頭鍋拌飯W9,500同泡菜豬肉鍋..個拌飯好好味呀!!
食飽就返民宿睇戲!!
沒有留言:
不接受新意見。