我地無預先book定順天既民宿，個度其實都仲係比較鄉村地方，多數都係motel，無得上網book，唯有去到先揾啦，其實都我都驚揾唔到要訓街哈哈，我地係chocolate tree個陣同d職員傾計，佢地知我地去麗水就幫手打電話去麗水d民宿問下，但一晚要成W60,000，同埋當然唔係好靚，所以我地都係算啦~
我地係香港已經訂左去順天既來回火車飛，去Korail個網輸入出發地同目的地，佢就會show哂所有車種同埋價錢比你揀，我地揀左無窮花號，W24,100，車程4小時40分鐘，本身我諗住早d去到順天揾左民宿先，所以訂左朝早8:45 既火車仲雄心壯志話一定會起到身，點知真係起唔到呀哈哈哈!!!好彩如果係火車未開之前取消只係扣10%手續費，因為我係用credit crad比既，甘淨返個90%就唔會過數~ 我地唯有即刻去火車站先買飛~
執好野check out，因為我地去完麗水會返黎住返呢間民宿，所以就將d行李放係度，淨係孭背囊出發~
去到龍山火車站，我地係自助售票機度買，好彩11:15無窮花號個班仲有位，點知入完錢之後佢show error仲唔出飛比我地，又要叫人黎幫我地整，所以大家一定要預早d黎到~
其實今朝我地兩個心情都麻麻地，一來太早起身好眼訓，二來買飛又有阻濟，大家都無咩講野~
上到車我地就繼續訓，車程成4個幾鐘，之後我見到有人推車仔賣飯盒，不過我地已經預先買左飯團!
到甘上下時間我地就留意住廣播落車，一出順天火車站過對面行就前少少就會見到有好多motel，我地揀左間門口細細既叫Blue Motel，一入去couter 無人，我地上樓梯去2樓，條樓梯黑黑地，我地都有d驚，上到去見到好多間房都開住門無人住，有一個嬸嬸做緊清潔，原來佢就係老闆娘，佢帶我地參觀下間房，我見到間房同個廁所都好大又幾乾淨甘就決定住呢間喇~
不過老闆娘唔識英文，我地講左一輪佢先get 到我地係黎睇Expo同住兩晚，兩晚加埋只係W50,000，即時比錢~ 房入面有張大床有冷氣有冷熱水機仲有個雪櫃仔，每日老板娘都會refill兩罐細果汁比我地，入到房我地即刻倒熱水沖杯麵食!! 甘既價錢真係好抵~
我地首先係民宿附近行下，係間幾靚既麵包舖買蛋糕，唔算平都要十幾蚊舊，附近仲有燒肉店不過無圖又無英文，其餘既就係生果檔~
之後我地諗住先去麗水周圍行熟d地方先，係Expo期間來往順天同麗水之間既火車係免費，不過就唔係好多班次，車程約25分鐘~
(由網上攞既圖)
一入夜呢度勁大風，我地衣衫單薄吹到我地勁凍~ Expo會場行出黎2邊都係食店同便利店，我地揀左一間細細既食辣炒年糕同烏冬~
到10點我地就去返火車站搭返個免費火車返順天，佢尾班車係22:15，因為麗水火車站有wifi，我地就上住網等，點知到22:30佢仲未開閘比人上車，而且有廣播不過我地聽唔明，淨係見到d 韓國人係度燥底，捉住個職員係甘問，應該係話班火車取消左，我都唔知d點算好，如果搭的士又好貴又唔識同個司機講去邊，之後我見到d韓國人唔走仲坐哂係個地下度抗議，甘我地都唯有學佢地坐地下等~
成個火車站都坐滿哂睇完Expo出黎既人，等到11:15終於有火車黎，我地跟住d人跑上車，其實呢架去首爾既，係要買飛同劃位坐，不過d人完全唔理衝上車就坐，甘我地都唔理lu，坐左先如果有人買左我地個位先比返佢囉 =P 之後成架火車都企滿哂人，我地攰得濟訓左lu~
今日好驚險，如果到最後無火車返順天既我地就唔知點算啦!!!!
沒有留言:
不接受新意見。