起身係pantry 嘆返個早餐就搭地鐵去安國站食年糕鍋~
安國年糕鍋路線: 安國站1號出口直走→經過Starbusks直行→見Olive Young右轉→見豐文女子高校及德成女子高等學校→直走至見Family Mart在右邊→Family Mart後面的巷行入去
我地11:30就去到驚好多人要等位，沿路都好清靜，好快就揾到間年糕鍋
坐低先著好圍裙，我地叫左芝士鍋同海鮮鍋，仲有烏冬同炸紫菜卷，全部係同一個鍋到上，好多芝士同年糕，其實都好夠飽所以我地淨係叫一個烏冬，不過個炸紫菜卷好難食，係紫菜包住d粉絲，滾完之後淋bat bat....
安國年糕鍋路線: 安國站1號出口直走→經過Starbusks直行→見Olive Young右轉→見豐文女子高校及德成女子高等學校→直走至見Family Mart在右邊→Family Mart後面的巷行入去
我地11:30就去到驚好多人要等位，沿路都好清靜，好快就揾到間年糕鍋
坐低先著好圍裙，我地叫左芝士鍋同海鮮鍋，仲有烏冬同炸紫菜卷，全部係同一個鍋到上，好多芝士同年糕，其實都好夠飽所以我地淨係叫一個烏冬，不過個炸紫菜卷好難食，係紫菜包住d粉絲，滾完之後淋bat bat....
食完年糕鍋出發去北村韓屋，途中又見到賣果汁coffee 既舖仔，我叫左hazelnut latte W4,200 幾好飲，但大B個西瓜汁我地望住佢落左好多糖哈哈~
諗住去informatio centre 攞地圖同問路，點知佢今日唔開，所以我地就盪失路啦哈哈! 我地行左去information centre左邊一條好似上山既路仔，行左去正讀圖書館，好明顯呢條路係唔啱既，我地係呢度兜左2個圏都揾唔到路，行返落黎見到Seoul Education Museum，好似幾得意所以我地就係度玩陣先…
Seoul Education Museum
路線:安國站2號出口到地面→沿路一直行到一十字路口→去對面的旅遊中心→左手邊沿小路向上行
個museum好細間，一入去有一個職員坐係counter，我地就攞張leaflet同吸印仔留念，入面有間小型課室有埋書枱同黑板，仲有其他舊時玩具，另外佢有一個玻璃櫃入面放左微型模型展示以前韓國人生活情況，其實睇下呢d都幾開心呀~
Museum 出面有d紙牌公仔，我地係度扮小學生玩左好耐呀~之後我地行行下終於去到北村韓屋啦!
北村
路線: 去旅遊中心攞”探覓隱藏的北村”小冊子後跟入面既地圖行
北村韓屋其實好近景福宮，最好揀平日去，假日有太多人影唔到相，根據資料黎呢度要睇北村8景同天國的階梯入面既中央高校，但我淨係認到其中一個相婟材~
見到呢d傳統特色既門口就知我地到左，黎到呢度唔好甘嘈，因為呢d屋入面仲有人住緊，每一間屋都有佢既特色，不過黎呢度最好帶把扇，好熱同好曬~
行完北村落返黎會去到三清洞，而對面係仁寺洞既街尾，因為我見返尋日我買W10,000袋仔間舖~
我地既目標係去食Waffle，因為好曬好熱係時候要抖下~
Beans Bins
1/F點餐同攞咖啡，2/F攞鬆餅，3/F係吸煙層
點完餐就攞個電子牌仔返埋位等，d野食ready個牌就會著燈叫你去攞架啦~
我地叫左Fruit Waffle同提子汁 W19,000，Waffle 好大個有我同大B塊臉加埋甘大….雖然好味但價錢唔平，不過都值班得一試
抖夠就去期待已久既Lotte Mart
樂天超市Lotte Mart
路線: 首爾站1號出口
營業時間: 10:00-24:00
入面有Luggage Room可以放行李，每架購物車要入W100做按金，要自備環保袋，付款處可以自行包裝pack箱
我首先去skin food買d skin care，因為呢度可以退稅，之後就衝入去超市掃貨，買滿左一架購物車.......
我淨係記得大部份:
香蕉奶5支裝 W3,980
Market O Brownie 7小個x 4盒裝 W 16,000
Market O薯片
Dr. You 朱古力蛋糕 W4,000
西瓜半個(超大) W6,000
辣炒年糕條 W970
Chunky朱古力 (細樽裝)
黑色辛辣麵杯麵6個裝 W5,760
即沖柚子茶 (30包獨立包裝) W8,000
Lipton 蜜桃茶 (大盒即沖粉狀)
Doritos Nacho 芝士片 (黃色大包裝) W1,800
比錢個陣記住出示張coupon (買Korean Pass 附送既)，我地仲要分2張單，之後行去搞退稅，買滿W30,000就可以退，要帶passport，但其中有d貨唔可以退所以最好買多少少~
因為我買得太多，都心知不妙要搭的士返民宿架啦，所以我買Lipton 蜜桃茶個陣叫個Lipton姐姐寫低新村既韓文比我，好彩佢識簡單英文，更好彩既係我地比緊錢個陣Lipton姐姐追出黎話佢好似寫錯左要寫返啱既比我地，佢真係好人呀~
最後係大B兩手捧住2大箱而我就捧住半個大西瓜同揹住個大環保袋，好彩我仲有一隻手開車門哈哈哈!
比左新村既既韓文司機睇，因為我唔識同司機講我地民宿位置，唯有靠自己認路，一見到民宿出面條小斜路就即刻大叫個司機停車~唔記得搭左幾多錢不過印象中係唔貴既~
返到民宿又要沖返個涼攤抖下先…成身汗好臭呀~抖足精神我地決定晚飯近近地去附近食8色烤肉
8色烤肉
路線:新村站 7號出口→往KEB外換銀行的方向→過馬路→走斜坡往上→走5分鐘→於地下一樓
入到去無咩人，我地2個人坐哂成張長枱，先張d褸同袋放入櫈入面個儲物格，再去攞水
我地叫左8色烤肉套餐 W34,000，套餐包埋個超大海鮮湯同蔬菜盆，8色烤肉其實姐係用8種唔同醃料醃既肉: 有香草、咖哩紅酒、仁蔘、味噌、、辣醬同松子……每種大概有3塊，個度既姨姨會埋黎幫手燒同剪肉，d肉本身都醃得幾好味，用生菜包住再點佢d醬加埋就好好味!!
泡菜同椰菜絲沙律係自己去一邊任舀~個燒烤盆設計成斜擺，甘d油就會自己流走….
另外個蔬菜盆入面有一舊白色立方體質既野，大B以為係白蘿蔔，好彩我做足功課知道係用黎清潔個燒烤盆，千其唔好食呀hahaha~
個海鮮湯我覺得都足料既，有蜆、蝦同蟹，原來我同大B都係好大食!!因為我地2個人竟然食得哂!!食飽行返民宿經過街邊檔我地仲買左辣炒年糕同炸花枝，配埋晏就買既大西瓜，爽呀!
沒有留言:
不接受新意見。