趁有幾日公眾假期諗住同大B去個短短trip玩返3日2夜，不過去完韓國元氣大傷，都係唔搭飛機喇，澳門又去過幾次仲要酒店食野越黎越貴，最後決定去珠海~係油麻地旅遊買左去珠海既船飛，而酒店就係agoda book 既，其實我都唔知邊間酒店好架，淨係見到平平地同幾乾淨就揀喇~
首先要早2個鐘頭去上環港澳碼頭換左船飛先，搞掂就搭叮叮去歷史悠久既叁去壹飲早茶，而家係香港已經好少可以見到呢d舊式茶樓，好有特色 =P 間鋪細細，入面多數係公公婆婆係度嘆返一盅兩件，但其實都一兩枱後生仔女架~
叁去壹點心粉麵飯
地址: 西環薄扶林道11號
茶 $3/位，點心約$10-13，當然唔會係好好味啦，不過平平地又有特色
夠鐘就返去港澳碼頭，搭12:30班船，1個鐘多d就到啦~
去珠海我地順便整埋回鄉證既自助過關，甘以後返大陸就唔洗排counter，同check證件既職員講佢就會叫你係側邊等一陣，之後收左你既證件影印再逐個去影相就搞掂啦~ 一出珠海碼頭穿過左露天停車場轉左就係巴士站，跟據返自己目的地睇下係係呢邊定對面搭，我地間酒店係南坑，所以搭往鳳凰忠北方向既4號巴士，去到大陸記住無時無刻要小心財物，仲有搭巴士要緊握扶手真係好”dun”
落左車要跟住地圖揾左一陣路先見到，間酒店係條路仔入面都幾難見到…
上到房感覺都幾乾淨同agoda既圖無咩分別，仲有部desktop可以上網~ Deluxe Business 約$400/晩
(圖片From Agoda)
抖夠就係附近行熟d路，夜晩揀左間任食火鍋+燒烤既，睇間鋪又大架又乾淨就揀佢啦~間餐廳既特色係炒雪糕，其實係將d生果加埋牛奶放係塊已經雪到好凍既盤上面，快手炒埋，感覺好似沙冰甘，不過一pat pat 所以無影相…..
落左車要跟住地圖揾左一陣路先見到，間酒店係條路仔入面都幾難見到…
珠海六和假日酒店
交通: 九洲港碼頭→搭4號巴士→於南坑落車上到房感覺都幾乾淨同agoda既圖無咩分別，仲有部desktop可以上網~ Deluxe Business 約$400/晩
(圖片From Agoda)
抖夠就係附近行熟d路，夜晩揀左間任食火鍋+燒烤既，睇間鋪又大架又乾淨就揀佢啦~間餐廳既特色係炒雪糕，其實係將d生果加埋牛奶放係塊已經雪到好凍既盤上面，快手炒埋，感覺好似沙冰甘，不過一pat pat 所以無影相…..
本來餐飯都無咩野，環境衛生味道ok，不過食到尾上演左一場呷醋風波，話說我地仲食緊個陣，有個女waitress係隔離枱執緊枱，點知佢忽然成支原子筆飛過黎我地張枱仲跌左落碟食物上面，我即刻望住佢，佢就笑咪咪甘走過黎望住大B講: 靚仔真係唔好意思啦…哈哈哈哈哈哈哈哈哈……
嘩做咩事? 之後同一個waitress走過黎又問: 靚仔炒雪糕要咩味呀? 佢全程無望過我淨係對住大B講，我答佢要香蕉同西瓜，點知佢完全唔理我唔望我，到大B再答佢一次佢就即刻話: 好呀我即刻攞比你呀~ d生果黎度佢又問大B: 靚仔識唔識炒呀?洗唔洗我教你? 嘩咩事，真係完全當我死架禾!! 呢個時候我梗係要扮嬲，不過其實我覺得好好笑多d，可能個waitress就係想激我，但我唔會甘小氣既~
第一日既珠海之旅就完結啦，呢度其實無咩特別野玩，純粹hea下都好悠閒舒服既~
凱歌皇朝卡拉OK
地址: 城市客棧2/F及3/F) (珠海市香洲區拱北桂花南路120號)
價錢: (2-3人房) CNY50/小時
交通: 乘62號公車→到拱北醫院下車
入到房係功夫熊貓主題，仲有d歌真係好齊好新~唱左2個鐘就搭車去灣仔海鮮街食海鮮，我地6點就去到啦..唔係d海鮮檔會收同d餐廳會爆哂架….
灣仔海鮮街
交通: 乘9號公車→華潤萬家落車(20分鐘)→搭62號公車→灣仔海鮮街下車
首先揀左一間餐廳先，佢地就會比個大籃你，甘就可以去海鮮街買海鮮啦~~我地買左2隻肉蟹、鮑魚仔、扇貝、海蝦、花甲...哈哈買左好多....最後我地係餐廳叫多個炒菜，加埋王老吉、西瓜汁、白飯、加工費等等成餐大概RMB400...今餐食得好飽，甘既價錢算係幾扺啦 =P
返到去大B又掛住睇波...不過今日過得好開心!
黎到第3日就要check out，晏就lunch去左大笪地健力美食，都係叫左幾碟小菜..味道一般般啦，之後成個下就都去左行街同食粉圓~
呢個珠海之旅就完結喇~
